Au Pairs Gesels Saam

Tydens die twee keuringsonderhoude, (ja, jy het reg gelees, dit staan in die meervoud) probeer ons bepaal of jy, wat wil gaan au pair, vir ons ʼn risiko inhou. Die eerste onderhoud word gedoen deur die agent by wie jy aangemeld het, en die tweede een by enige een van die ander agente. Ons doen dit spesifiek om seker te maak dat twee mense darem ʼn idee het of die persoon voor ons, au pair-materiaal is. Dit maak ook die keuringsproses meer objektief.

Tydens die twee keuringsonderhoude, (ja, jy het reg gelees, dit staan in die meervoud) probeer ons bepaal of jy, wat wil gaan au pair, vir ons ʼn risiko inhou. Die eerste onderhoud word gedoen deur die agent by wie jy aangemeld het, en die tweede een by enige een van die ander agente. Ons doen dit spesifiek om seker te maak dat twee mense darem ʼn idee het of die persoon voor ons, au pair-materiaal is. Dit maak ook die keuringsproses meer objektief.

Op 16 Mei 2018 het Whale Coast FM by Hermanus met Annelies en Rita van NEDSA ‘n ondehoud gevoer. Luister gerus waaroor hulle alles gesels het!

Dit is ’n baie sensitiewe onderwerp waaroor beslis gesels moet word. Die meeste van ons au pairs is nog gewoond om kerk toe te gaan en kom uit Christelike huise. Dit is baie selde dat ‘n au pair noem dat sy nie meer kerk toe gaan nie, en oor die algemeen is dit van groot belang vir au pairs om te noem dat hulle nog uit ouerhuise kom waar die Christelike waardes en norme n groot rol speel.

Een van die dinge waaraan ‘n au pair gewoond moet raak, as sy Nederland toe wil gaan, is die direktheid van die Nederlanders. Daarmee bedoel ek nou dat hulle nie doekies omdraai en die heuningkwas gebruik om iets aan jou oor te dra nie – nee, hulle praat reguit en jy sal dus altyd presies weet waar jy met hulle staan.

As jy gedink het jy is nou ‘n jaar van jou ouers ontslae, maak jy ‘n groot fout. Hoewel hulle miskien nie fisies daar gaan wees nie, speel hulle ‘n baie belangrike rol in hierdie jaar wat jy weg sal wees.

Jy sal nou dink ek praat nou hier met die au pairs as ek dit skryf, maar eintlik sê ek dit vir myself. Na twintig+ jaar in die Nedsa-bedryf, het ek gedink ek weet alles, het alles ervaar, noem dit en ek weet daarvan en is elkeen net n treetjie voor. O nee, ek het so pas ook weer uitgevind waarom ’n au pair huis toe moet kom.

Nou ja, intussen het die Groot Trek plaasgevind, maar hierdie keer na die suide, sonder ʼn ossewa, maar wel met ʼn groot vragmotor van die verhuisingsmense. Alles het seepglad verloop, die 3 honde en kat, het die luuksheid van ʼn vliegtuigvlug gehad, terwyl ons mense dus op een dag deur die Karoo is en by ons nuwe tuiste aangekom het – ingewag deur die diere en familie.

Daar is ‘n baie goeie rede dat ek so stil is van hierdie kant. Die laaste keer toe ek geskryf het, was daar nog nie sprake dat die huis verkoop sou word nie. Maar eweskielik gebeur alles tegelyk en toe ons nog dink ons het genoeg tyd om in te pak, hoor ons dat ons vroeër moet gaan as wat oorspronklik beplan is.

“Ons Suid-Afrikaners is te ordentlik om eerlik te wees, en die Nederlanders is te eerlik om ordentlik te wees.” Hierin lê die meeste probleme in opgesluit en is dit iets wat elke potensiële au pair van die begin af moet besef. Die eerste waarmee rekening gehou moet word, is die direktheid van die Nederlanders. Hulle draai nie doekies om nie, en “sugar coat” niks nie. Jy gaan dus baie duidelik weet waar jy staan met hulle. Jy gaan sukkel daarmee, want soms dink ’n mens hulle is onbeskof, maar dit is beslis nie so bedoel nie.

Dit is een van die dinge wat met jou as au pair kan gebeur dat jy nie met jou hostma oor die weg kom nie en dit is iets waarvan dadelik werk gemaak moet word. Normaalweg is dit maar jy wat die nodige aanpassings moet doen, en dikwels is dit ʼn groot teleurstelling, want julle het dan nou al so dikwels voor jou vertrek lekker gesels en dit het so belowend gelyk!