Tannie Rita, soos talle au pairs haar noem, het na 25 jaar in die au pairbedryf,
besluit dit is nou genoeg. Sy en haar man het intussen van Hermanus na
Durbanville verhuis en bly nou nader aan die kinders en kleinkinders. Sy het
nou die wonderlike taak om ‘n naby-ouma te wees vir die kleinkinders.
Vir my persoonlik was sy my regterhand, my linkerhand, die skouer en die
klankbord wat en nodig gehad het en ek gaan haar en ons lekker kuiertjies baie
mis.

Rita Gordon kom ‘n lang pad met Nedsa saam. Van die begin van Nedsa se
ontstaan, tot nou toe. Daar was ‘n kort tydjie wat sy nie vir Nedsa gewerk het
nie, maar ons vergewe haar daarvoor(!) en gelukkig toe Joyce en Annelies in
2007 oorgeneem het, kon ons haar weer by ons terug verwelkom. Daaroor was
ek nog nooit spyt gewees nie. Sy was ‘n behoorlike aanwins vir Nedsa en almal
het haar met Nedsa geassossieer.

Sy het talle au pairs vir Nedsa gekry en die sagte en professionele manier
waarop sy hulle hanteer het, en die voortdurende belangstelling wat sy in hulle
getoon het, het gemaak dat sy ‘n besondere band met hulle gehad het en nog
steeds kontak met die meeste het.

Rita, ons wens jou ‘n baie rustige tyd toe en geniet wat jy nou doen. Jy sal altyd
in al jou au pairs se gedagtes bly en ek persoonlik gaan jou baie mis, maar ons
sal nog gereeld kontak behou. Baie, baie dankie vir jare se ondersteuning!

Liefde
Annelies